I te wiki tuawhitu i tū ai te pō whakangāhau o Te Puāwaitanga.
He kaupapa kohi pūtea tēnei kia tautoko i te haerenga ki Tūranganui ā-Kiwa ki ngā whakataetae Manu Kōrero hei te wiki tuaiwa. Waimarie mātou kia tuku atu ngā kaikōrero e rua hei māngai mō te rohe o Waitaha.
Mōkori anō ka rere a mihi ki a Matua Anton me te whānau ki FUSH, nā rātou ngā kai o te pō i whakarite, inā te namunamuā!!!
Tēnā rawa atu koutou i kaha tautoko mai i tēnei kaupapa, i rere a aroha, i huri a manaaki, i puta a pito, ā, i whai hua katoa te pō. Nei rā he kiriata paku o te pō, me tētahi o ngā waiata o te pō mai i ētahi o ngā tauira.
No comments:
Post a Comment