Ngā Whakataetae Oma

Ka paki ana te rangi, ā, kei kōnei a Matua Tairoa me tana pū wai! 

Ki runga nei ka kitea ētahi o ngā toa. 

Ā, ki raro iho nei, o tātou tamariki mokopuna e whaktaetae ana. 

Te Tū o Ngā Taiohi ki 'Taiohi Toa'

Anā, i te mīharo ngā waiata i kitea inapō. He mihi kau ana ki ngā kaiako i whakapau werawera whakarite ai i o tātou taiohi ki te tū māia. Ko Zion, rātou ko Henare, ko Levon, Ko Connor. 

Ki raro iho nei ka kitea ētahi matapihi noa e whakamōhio atu ana ai te aroha me te mahi ka noho tautoko ai i te mīharo nō nanahi. 

Te Tira Waiata o Te Whānau Tahi

I tēnei wāhanga i haere te tira waiata ki tētahi whakangāhau ki St Margarets College.
Te reka hoki o ngā reo waitī ki reira. E ai ki ngā kaiwhakahaere, ko Robbie te tino kaiwaiata o te pō.

Te haerenga ki te papahuka retireti o Porters

Kātahi nā te haerenga pai ko tēnei!

Tuatahi rā, he tika kia tuku mihi ki a Meridian, nā rātou te pūtea i tākoha mai ki a mātou ki te haere ki Porters. Mei kore ake koutou e ngā ringa aroha.

I te wiki tuatahi o te wāhanga tuatoru, i wehe ai ngā tauira o Te Tipuranga me Te Wharekura ki te papahuka retireti o Porters. Mō te nuinga o ngā tauira, he tuatahitanga tēnei. I nohotahi ai ngā tauira ki ngā mātanga retireti ki te ako i ētahi pūkenga i mua i te tukuna ki te maunga.

I ēnei o ngā rā, i kitea e mātou ngā kaimahi, i te āwangawanga, i te mataku, ā, i reira hoki te māiatanga, te tino rangatiratanga, te manaakitanga, me te hīkaka ki te ako, ki te whakaharatau hoki.

THOK (Tau 5/6) Te Puāwaitanga (Tau 9, 10, 12 & 13)

               .        .   

   .

                THOK (Tau 7), KTOTM, Te Puāwaitanga (Tau 11)

                              
             

                              


                              


                              


                              


                                





I te mutunga o te rā, i whakapau kaha ngā tauira ki te mahi retireti, ā, ahakoa ngā piki me ngā heke, me te nui hoki o ētahi heke, i te menemene tonu ngā tauira.