Te Hui Whakatōpū i ngā Wharekura o Te Waka

Ko te Aho Matua kei runga!!!

Kātahi nā te wānanga mīharo ko tēnei. 

I te wiki tuarua o tēnei wāhanga i peka atu mātou ki Te Kura Whakapūmau kia noho ngātahi ai ki ngā Kura Kaupapa Māori o Te Waipounamu. 

Inā te pai o ngā āhuatanga whakawhanaungatanga ki reira. I mahitahi ki ētahi awheawhe, i kaitahi, ā, i moe hoki i raro i te āhuru mōwai o te whare o Te Whakapūmautanga.

Nei rā ētahi o ngā whakaahua o te kaupapa kāmehameha nei.

Whakaaturanga ki Te Whare Wānanga o Waitaha

Ka tangi te tītī, Ka tangi te kākā, ka tangi hoki Te Kura Kaupapa Māori o Te Whānau Tahi, Tihei Mauriora!!!

I tū māia ngā tau 11 ki te whakatangi i te reo waitī ki runga i te atāmira o te whare wānanga o Waitaha

Ko te kaupapa ko te tū mo te aromatawai a roopu me te whakahoahoa ki te whare wānanga o waitaha. I rangona ngā waiata hou o te momo puoro Classical, ahakoa he rereke ki te taringa rangatahi i tēnei ao me whai tāringa rangatira ki te whakarongo ki te tangata ahakoa ko wai, ahakoa te puoro.


Hei te mutunga kua tū hei raukura mo te kura me te whakaaro ka tākaro anō akuanei ki waho ano ki te hāpori

Ānei te kiriata o te whakaaturanga