Ngā Kura Aho Matua o Waitaha - Te Whare Tū Taua

Anō nei te pai, te āhuareka o te nohoanga o ngā tuakana me ngā teina i runga i te whakaaro kotahi.


Tēnei te hā o Tūmatauenga te whakamānawa atu nei.

Waimārie mātou o Te Whānau Tahi i tae mai ā mātou tuakana o Te Kura Whakapūmau ki te mahitahi i ngā mahi mau rākau o Te Whare Tū Taua i tēnei wiki. He rawe te nohotahi, te kōrerotahi, ā, te whakawhanaunga hoki.

Tirohia ki ngā whakaahua, ngā kiriata hoki e whakatairanga ana te ahiahi.

Te Whakataetae Waka Ama

I piri atu ā mātou tauira o te Wharekura ki te tātāwhainga Waka Ama o ngā kura tuarua o Waitaha.

I whai hua katoa te rā, i tae tuarua ngā tuakana, ā, ko ngā teina ngā toa whakaihuwaka ki tō rātou reanga.

Nāia ngā whakaahua/kiriata o te rā

Te Tira Crash Bash

I te wiki tuaono i tae mai te tira nō Crash Bash ki te whakaatū i ētahi kaupapa e hāngai ana ki ngā mahi taraiwa waka. He mīharo te whakaari nei.